ياربعنا مابي من الغيض طاري
ألين شفت الحر والعرض ينهان
ياربعنا جارت علينا الجواري
والمشكله حنا من الغي غربان
تنكست كل الرقاب العواري
ترجي فزوع ن بالمواكرلها شان
تصيح وين الفهود الضواري
وين الرجال مطوعة كل خوان
وين الرجال منوخت كل ساري
وين الزحول أللي لها الفخر مزبان
ترجي فزعهم كل عذراً تماري
تنخى أخوان الدم بدو وعربان
ياحيف طيورالعزصارت حباري
وعلى أركان الكفر خوف وخذلان
مايجتمع عز وجمع المصاري
ولايرفع الرايه ذليلٍ ومنهان
العز عقب العود ماله مواري
ذاك الزعيم اللي له العز نيشان
مرحوم يامن للمهمات ضاري
مرحوم ماعقبك على النار شجعان
جزاع فهد القحص
ليست هناك تعليقات:
إرسال تعليق