وين أنت ياذيب المهاجيل وين أنت
وين أنت يامركي على العايل النار
نادر وصارم بالميادين دونت
تاريخ طيبك للمشاكيل تعبار
لاقصرتْ أيدين الرديين قدمت
صافي حلالك للمعيزين بأبذار
ولاشانت وجيه الرياجيل سجلت
بالعز لك منزل وبالطيب لك دار
تبكيك صفراً للمشاكيل بهرت
من غالي النوعين من بن وبهار
ويبكيك قدر محولقٍ به تميزت
عن باقي العربان بالكبر مقدار
الطيب منك وللمراجل تعلمت
من نفح طيبك للمراجل لنا كار
مشتاقك لك معذور يابوي لاقلت
محتاج لك يابوي والوقت غدار
جزاع فهد القحص
ليست هناك تعليقات:
إرسال تعليق